欢迎访问 单单理财网
你的位置:首页 > 资讯 > 正文

【古天后日誌】半新股音乐椅游戏 难测音乐何时停

时间: 2019-07-11 14:19:39 | 来源: 单单财经资讯网 |

【古天后日誌】半新股音乐椅游戏 难测音乐何时停

  7月4日,多云间中有骤雨,日间部份时间有阳光,间中都几好风。美股隔晚又升,仲要三大指数齐齐创收市新高,炒嚟炒去两个原因,除咗中美贸易战忧虑缓和,仲有就係呢个月联储局好大机会减息,更有缸边友预期减息幅度去到半厘。其实都几讽刺,美国急于减息及减息幅度去到半厘,主要係一连串经济数据显示经济表现麻麻,股市理应反应未来经济表现,但投资者只着眼于货币政策或因经济差而变得宽鬆,简单嚟讲,家下股市係反映资金流向多于一切,只要市场水头充足,话之经济乜嘢状况,水到渠成,股市就升。

  欧洲情况亦係类似咁嘅情况,欧央再度放水行量寛机会愈嚟愈大,欧央行换舵手,热门候选人都属于放水派,即係全球央行有望继续维持寛鬆货币政策。呢个情况下,欧美股市喺下半年或出现「融涨」情况,即係melt-up。「融涨」係反映投资者并非基于企业盈利表现或经济基本因素而入市,纯粹係非理性乐观情况令资金涌入市场,升幅可以好夸张。

  至于香港呢边都係跟住外围走,即使近日嘅政治事件都未有动摇好友操作,加上人民币渐靠稳,联储局又预期减息,港股7月开局表现唔差。不过港股暂时喺29000关有阻力,要完全扭转之前调整局面,恒指入番牛市,先决条件係上由去年10月底部,即24540上升两成计算,即恒指重上29448之上,港股先叫入番牛市。

  噚日港股上升动力不足,幸而资金未见离场,继续押注受惠减息股份,当中以陀地地产股表现最好,整个板块都见上升,升幅普遍超过1%以上。而只属于半只地产股嘅地铁(00066) 股价及相关新闻 ,股价更创新高。一早讲咗地铁係攻守兼备嘅股份,第一季表现较为落后,第二季开始发力,后发先至创新高。不过香港嘅HIBOR未见回落,半年结过去拆息仍然高企,唯一解释係下半年又有大型新股準备上市?

  查实香港自4月开始确有资金流走,暂时截至5月份M2少咗1200亿完,而6月份嘅数字要呢个月底先有数。五穷月有资金流走好合理,至于同最近嘅政治事件有冇关,大家心中有数,古天后预期六月M2数字估计都係再减,原因係乜嘢,不言而喻。

  噚日半新股中烟香港(06055) 股价及相关新闻 成交仲大过腾讯(00700) 股价及相关新闻 ,最高见过28.5元,之后又落15.1元,收市报19.18元,保持100亿市值。不过股价由高位咁样掟落嚟,派货都派得几明显,要炒上落睇住15元至20元,预计为保百亿市值,15元应该係支持区。至于另外两只当炒新股,鹰普精密(01286) 股价及相关新闻 及银涛控股(01943) 股价及相关新闻 亦落镬,要入场参与唔反对,即日鲜埋单计数稳阵,音乐椅游戏实难预测音乐几时停。

  古天后

  (徐狄怡,证监会持牌人 汇盈资产管理 董事总经理)

新闻标题: 【古天后日誌】半新股音乐椅游戏 难测音乐何时停
新闻标签: 员工(3)
Top